PREVIOUS ARTICLE

News Channels சீனாவில் புதிய வைரஸ்

NEXT ARTICLE

News Channels ட்ரம்பை அடிபணிய வைத்த கொரோனா!
News Channels

நியூசிலாந்தில் மீண்டும் ரீஎண்ட்ரி கொடுத்த கொரோனா!

நியூசிலாந்தில் பிப்ரவரி மாதம் முதல்முறையாக கொரோனா தொற்று பரவியது. அப்போது முதல் மொத்தம் 1,154 பேர் கொரோனாவால் பாதிக்கப்பட்டு 22 பேர் உயிரிழந்தனர். இதைத்தொடர்ந்து கொரோனா தொற்றை முற்றிலுமாக ஒழித்துவிட்டதாகவும், புதிய பாதிப்புகள் ஏதுமில்லை எனவும் ஜூன் 8ஆம் தேதியன்று  அரசு அதிகாரப்பூர்வமாக அறிவித்தது.

 


இதைத்தொடர்ந்து அனைத்து சமூக, பொருளாதார கட்டுப்பாடுகளும் விலக்கப்பட்டன. எல்லைக் கட்டுப்பாடுகள் மட்டும் தொடர்ந்து அமலில் வைக்கப்பட்டன. பொது நிகழ்ச்சிகள், தனியார் நிகழ்ச்சிகள், சில்லறை வர்த்தகம், உணவகங்கள், ஹோட்டல்கள், பொதுப் போக்குவரத்துக்கு அனுமதியளிக்கப்பட்டது. மேலும், தனிமனித இடைவெளியை கடைப்பிடிக்க தேவையில்லை எனவும் அறிவிக்கப்பட்டது.

இதுகுறித்து நியூசிலாந்து பிரதமர் ஜூன் 8ஆம் தேதியன்று செய்தியாளர்களிடம் பேசுகையில், “கொரோனா ஒழிப்பு வேலை முழுவதுமாக முடியாவிட்டாலும் இது ஒரு மைல்கல் என்பதை மறுக்க முடியாது. இதற்காக நியூசிலாந்து மக்களுக்கு நன்றி தெரிவித்துக்கொள்கிறேன்.

தற்போதைய சூழலில் நியூசிலாந்தில் கொரோனா வைரஸ் பரவலை முழுமையாக ஒழித்துவிட்டோம் என உறுதியாக நம்புகிறோம். எனினும், வைரஸ் ஒழிப்பு என்பது ஒரே சமயத்தில் நிறைவேறுவது அல்ல. தொடர் முயற்சிகளால் மட்டுமே வைரஸ் பரவலை ஒழிக்க முடியும்” என்று தெரிவித்திருந்தார். எனினும், வெளிநாடுகளில் இருக்கும் நியூசிலாந்து மக்கள் தாயகம் திரும்புவதால் புதிய கொரோனா தொற்றுகள் ஏற்பட வாய்ப்பிருப்பதாக அப்போதே ஜெசிண்டா ஆர்டர்ன் எச்சரித்திருந்தார்.

இந்நிலையில், தற்போது இரண்டு பேருக்கு கொரோனா தொற்று இருப்பது உறுதியாகியுள்ளதாக நியூசிலாந்து சுகாதார அமைச்சகம் அதிகாரப்பூர்வமாக அறிவித்துள்ளது. இவர்கள் இருவருமே இங்கிலாந்தில் இருந்து நியூசிலாந்துக்கு திரும்பியவர்கள் என தெரிவிக்கப்பட்டுள்ளது.

Related Post

Latest News

உலக சனத்தொகை அரைப்பங்காக குறையப் போகிறது அதிர்ச்சி அறிக்கை !
சீனா இந்திய மோதல்
11 கிளைகளை மூடிய அப்பிள் நிறுவனம்!
கடந்த 24 மணித்தியாலத்தில் கனடாவில் கொரோனா தாக்கத்தால் 46பேர் உயிரிழப்பு!
வாட்ஸ்அப் மூலம் பணப் பரிவர்தனை செய்யும் வசதி அறிமுகம்
கேரளாவில் உருவாகியுள்ள கொரோனா தேவி ஆலயம்!