வடக்கின் பல பாகங்களிலும் இன்று மின்தடை!

உயர் அழுத்த மற்றும் தாழ் அழுத்த மின் விநியோகம் மார்க்கங்களின் கட்டமைப்பு மற்றும் பராமரிப்பு வேலைகளுக்காக இன்று சனிக்கிழமை காலை 8.30 மணியிலிருந்து மாலை 5 மணி வரை மின்சாரம் தடைப்பட்டிருக்கும் என இலங்கை மின்சார சபையின் வடமாகாண பிரதி பொது முகாமையாளர் தெரிவித்துள்ளார்.

யாழ் அளவெட்டி, மாகிய பிட்டி, சண்டிலிப்பாய் வடக்கு, நாகர்கோவில், மாமுனை, செம்பியன்பற்று, தாழையடி, உடுத்துறை, வெற்றிலைக்கேணி, ஆழியவளை, வத்திராயன், கட்டைக்காடு, கேவில், முள்ளியான், வடமராட்சி கிழக்கு, கடல் தொழில் கூட்டுத்தாபனம், 55ஆவது இராணுவ முகாம் ஆகிய பகுதிகளிலும் மின்சாரம் தடைப்பட்டிருக்கும் என அவர் மேலும் குறிப்பிட்டுள்ளார்

மேலும் 10 பேருக்கு கொரோனா – மொத்த எண்ணிக்கை 1558 ஆக அதிகரிப்பு!

Advertisement

 

 

 

கொவிட் 19 என அழைக்கப்படும் கொரோனா வைரஸ் தொற்றுறுதி செய்யப்பட்ட மேலும் 10 பேர் அடையாளம் காணப்பட்டுள்ளனர்.

இவர்கள் சற்று முன்னர் அடையாளம் காணப்பட்டதாக சுகாதார அமைச்சு வெளியிட்டுள்ள அறிக்கையில் தெரிவிக்கப்பட்டுள்ளது.

இதற்கமைய கொரோனா தொற்றினால் பாதிக்கப்பட்டவர்களின் எண்ணிக்கை 1558 ஆக அதிகரித்துள்ளது.

அத்துடன் இதுவரை இலங்கையில் கொரோனா வைரஸால் 10 பேர் உயிரிழந்துள்ளனர் என்பதும் குறிப்பிடத்தக்கது.

இந்தியாவில் கொரோனா பரிசோதனை மாதிரிகளை திருடி சென்ற குரங்குகள்!

இந்தியாவின் உத்தர பிரதேசத்தில் கொரோனா பரிசோதனை மாதிரிகளை குரங்குகள் திருடி சென்ற சம்பவம் அதிர்ச்சியை ஏற்படுத்தியுள்ளது.

மீரட் மருத்துவ கல்லூரி வளாகத்தில் ஆய்வக பணியாளர் ஒருவர், நோயாளிகள் 3 பேரின் கொரோனா பரிசோதனை மாதிரிகளை எடுத்து சென்றுள்ளார். அப்போது அவரை தாக்கிய குரங்குகள் கூட்டம், கையில் இருந்த சோதனை மாதிரியை பறித்து சென்றுள்ளது. மரத்தில் சென்று உட்கார்ந்து கொண்ட குரங்குகளில் ஒன்று சோதனை மாதிரியை கடித்து மென்றுள்ளது.

மேலும் கொரோனா மாதிரிகளை குரங்குகள் அருகிலுள்ள குடியிருப்பு பகுதிக்கு கொண்டு சென்றுள்ளதால், கொரோனா தொற்று மேலும் பரவக்கூடுமென உள்ளூர் மக்கள் பீதியில் உறைந்துள்ளனர்.

Latest News

உலக சனத்தொகை அரைப்பங்காக குறையப் போகிறது அதிர்ச்சி அறிக்கை !
சீனா இந்திய மோதல்
11 கிளைகளை மூடிய அப்பிள் நிறுவனம்!
கடந்த 24 மணித்தியாலத்தில் கனடாவில் கொரோனா தாக்கத்தால் 46பேர் உயிரிழப்பு!
வாட்ஸ்அப் மூலம் பணப் பரிவர்தனை செய்யும் வசதி அறிமுகம்
கேரளாவில் உருவாகியுள்ள கொரோனா தேவி ஆலயம்!